മഴയത്ത് കാറിന്റെ ഗ്ലാസ് മങ്ങുന്നോ? കൈകൊണ്ട് തുടയ്ക്കും മുൻപ് ഇതൊന്ന് അറിയാം!

മഴക്കാലത്ത് ഡ്രൈവ് ചെയ്യുന്ന ഭൂരിഭാഗം പേരും നേരിടുന്ന വലിയൊരു വില്ലനാണ് വിൻഡ്ഷീൽഡിന്റെ ഉള്ളിൽ മഞ്ഞുപോലെ (Fogging) വരുന്നത്. ഇത് കാഴ്ച മറയ്ക്കുകയും അപകടങ്ങൾക്ക് കാരണമാവുകയും ചെയ്യാം.

പലരും വിചാരിക്കുന്നത് ഇത് പുറത്തുള്ള മഴ കൊണ്ടാണ് എന്നാണ്. എന്നാൽ യഥാർത്ഥ കാരണം അതല്ല! കാറിനുള്ളിലെ ഈർപ്പമുള്ള വായു (Moisture) പുറത്തെ തണുപ്പുള്ള ഗ്ലാസിൽ തട്ടുമ്പോഴാണ് ഉള്ളിൽ മഞ്ഞ് രൂപപ്പെടുന്നത്.

ഇത് സെക്കൻഡുകൾക്കുള്ളിൽ മാറ്റാൻ:

1. A/C ON ചെയ്യുക: തണുപ്പിക്കാൻ മാത്രമല്ല, കാറിനുള്ളിലെ ഈർപ്പം വേഗത്തിൽ വലിച്ചെടുക്കാൻ എസി നിർബന്ധമാണ്.

2. Temperature ക്രമേണ കൂട്ടി Warm ഭാഗത്തേക്ക് സെറ്റ് ചെയ്യുക. A/C ഓഫ് ചെയ്യേണ്ടതില്ല. A/C വായുവിലെ ഈർപ്പം നീക്കം ചെയ്യും, തുടർന്ന് ഹീറ്റർ ആ വരണ്ട വായുവിനെ ചൂടാക്കും. ഈ ചൂടുള്ള വരണ്ട വായു വിൻഡ്ഷീൽഡിലെ ഫോഗ് വളരെ വേഗത്തിൽ നീക്കും.

3. Fresh Air Mode ഉപയോഗിക്കുക: റീസർക്കുലേഷൻ (↺) ഓഫ് ചെയ്ത് പുറത്തുനിന്നുള്ള വായു അകത്തേക്ക് വരാൻ അനുവദിക്കുക.

4. ഫാനിന്റെ സ്പീഡ് കൂട്ടുക:

ബ്ലോവർ സ്പീഡ് Medium അല്ലെങ്കിൽ High-ൽ (3–5 അല്ലെങ്കിൽ അതിന് മുകളിൽ) സെറ്റ് ചെയ്യുക. വായു ശക്തമായി വിൻഡ്ഷീൽഡിലേക്ക് എത്തുമ്പോഴാണ് ഗ്ലാസിലെ മഞ്ഞ് ഏറ്റവും വേഗത്തിൽ മാറുന്നത്. ഫാനിന്റെ സ്പീഡ് വളരെ കുറവാണെങ്കിൽ ഡിഫോഗിംഗ് വൈകും.

5. Front Defogger Mode ഓൺ ചെയ്യുക: വായു നേരിട്ട് മുൻ വിൻഡ്ഷീൽഡിലേക്ക് വരാൻ ഇത് സഹായിക്കും.

"ടെമ്പറേച്ചർ കൂട്ടിയാൽ A/C ഓഫ് ആകില്ലേ?" എന്നൊരു സംശയം പലർക്കുമുണ്ട്!

ഇല്ല, ഒരിക്കലുമില്ല!

നിങ്ങൾ എസി ഓൺ ആക്കി വെച്ച് ടെമ്പറേച്ചർ കൂട്ടിയാലും എസിയുടെ കംപ്രസ്സർ വർക്ക് ചെയ്യും. എസി ആദ്യം വായുവിലെ ഈർപ്പം (Moisture) പൂർണ്ണമായും വലിച്ചെടുക്കും. അതിനുശേഷം ആ വരണ്ട വായു ഹീറ്റർ (Heater Core) വഴി കടന്നുപോകുമ്പോഴാണ് ചൂടാകുന്നത്.

അതായത്, പുറത്തുവരുന്നത് 'ചൂടുള്ള വരണ്ട വായു' (Warm & Dry Air) ആണ്. ഈ വായു വിൻഡ്ഷീൽഡിലേക്ക് അടിക്കുമ്പോൾ ഗ്ലാസിലെ മഞ്ഞ് വളരെ വേഗത്തിൽ അപ്രത്യക്ഷമാകും!

ശ്രദ്ധിക്കുക:

മഴക്കാലത്ത് എപ്പോഴും റീസർക്കുലേഷൻ മോഡ് (Recirculation) മാത്രം ഉപയോഗിച്ചാൽ കാറിനുള്ളിൽ ഈർപ്പം കൂടി ഗ്ലാസ് വീണ്ടും വീണ്ടും മങ്ങും. വണ്ടിനുള്ളിൽ നനഞ്ഞ മാറ്റുകൾ, കുട, വസ്ത്രങ്ങൾ എന്നിവ ഉണ്ടെങ്കിൽ ഫോഗിംഗ് കൂടാൻ സാധ്യത കൂടുതലാണ്.

ഇനി മഴയത്ത് ഡ്രൈവ് ചെയ്യുമ്പോൾ ഗ്ലാസ് മങ്ങിയാൽ തുണി കൊണ്ടോ കൈകൊണ്ടോ തുടച്ച് കാഴ്ച കൂടുതൽ മോശമാക്കാതെ, ഈ രീതി ഒന്ന് പരീക്ഷിച്ചുനോക്കൂ!